جيبالكم النهارده طريقة الحمام محشى رز والسفره بتاعته
نسمى الله ونبتدى
الاول طبعا نكون جايبين الحمام متنضف للحشو ونغسله كويس جدا ونسيبه فى مصفى يصفى
نعمل الرز بقى
اللاول نجيب بصله كبيره ونحمرها وننزل عليها بالكبده والقوانص بتاعة الحمام وانا زودت كبه فراح معاها كمان
نحطها على البصله ونتبل ملح وفلفل وقرفه مطحونه وجنزبيل وتوابل مشكله ومكعب مرقه وبعدين ننزل بالرز ونزود ميه عااااادى وننستنى لما الرز يستوى 80 % ونشيل منه لكل حمامه 5ملاعق اكل كبار ونغطيه ونسيبه يكمل سوا
وده شكله بعد السوا الكامل
نجيب بقى الحمام ونبتدى نحشيه من الرقبه وتحت جلد الصدر ومن جوه زى كده
نبتدى نخيطه انا بصراحه جربت كذا طريقه بس احسن حاجه الخياطه بس ضرورى يكون الحيط ابيض عشان
الالوان وكده
وده الشكل بعد الخياطه
نكون بقى مجهزين حله ونشوح فيها بصله ومعاها فصين حبهان وفلفل اسود ورقتين لورا وعود قرفه خشب ونزود
ميه ونسبها تغلى وبعدين نحط الحمام زى كده
ده شكل الميه وهى بتغلى وفيها الحمام
ودى
وبعد ما يستوى ونعرف انه استوى لما نغرس الشوكه فيه تطلع ميه مش دم
وده شكله بعد السوا
ودى الشربه روعهالحمام محشى رز 000 بسرعه قبل ما يطير
ونجهز بقى معلقه صلصه ونعصر عليها لمونه
وندهن الحمام ونحمره فى السمنه والزيت
وادى شكله بعد التحمير
اما الرز الباقى عملتله خلطه زبييب ومكسرات وحمرتهم مع شوية قرفه وحطيتهم على وش الرز كده
واادى الاكل كله مع بعضه
اتفضلو معانا
بالهنا والشفا